Sjálfstætt starfandi

Þau sem taka að sér að vinna verk fyrir aðra og vinna á eigin ábyrgð eru sjálfstætt starfandi. Árið 2020 er um 9% vinnuafls á íslenskum vinnumarkaði í þesskonar ráðningarsambandi og fer stækkandi líkt og um heim allan.

Fyrir sjálfstætt starfandi þarf að huga vel að tímakaupi og samsetningu þess þegar samið er um verkefni. Ofan á tímakaup er nauðsynlegt að gera ráð fyrir ýmsum liðum:

  • Tryggingjaldi 6,35% sem rennur til ríkisins og fjármagnar m.a. greiðslur úr fæðingarorlofssjóði. (Þar af er tryggingagjaldið sjálft 4,90%, atvinnutryggingagjald 1,35%, og síðan bætast við gjald í ábyrgðasjóð launa (0,05%) og markaðsgjald (0,05%).
  • Lífeyrissjóðsgreiðslur 15,5% – skylt skv. lögum.
  • Endurhæfingarsjóður 0,1% – skylt skv. lögum.
  • Félagsgjald í FTR/RSÍ 1% af launum.
  • Orlofssjóður 0,25%
  • Menntasjóður 1,1% í menntasjóð, menntasjóður rekur endurmenntunarkerfi og greiðir styrki fyrir nám/námskeið af ýmsum toga.
  • Sjúkrasjóður 1% og myndast við það réttindi til styrkja eins og gleraugnastyrk, líkamsræktarstyrk ofl. Nánar hér.
  • Orlofslaun 11,59% Til að fjármagna fríin.
  • 3,1% til að fjármagna veikindadaga.
  • 4,3% til að fjármagna löghelga frídaga.
  • 4,1% Desember og orlofsuppbót.

Samtals amk. 48,39% sem bætast þarf við tímakaup. Til viðbótar má nefna tryggingar sem þarf að skoða í tengslum við vinnuna, hugsanlegan vinnufatnað, verkfæri og þessháttar.

og svo…

Ýmislegt fleira tínist til sem huga þarf að við verðlagningu á vinnu/þjónustu sjálfstætt starfandi. Sjálfsagt er það mismunandi á milli starfa hverju þarf að huga að en nefna má dæmi:

  • 5% utanumhald rekstrarins
  • Þinn búnaður
  • Húsnæði/vinnustofa
  • Farartæki
  • Bókhald/endurskoðun
  • Eru ólíkar aðstæður á vinnustað eftir verkefnum, kalla þær á frekari tryggingar á þig?
Sjálfstætt starfandi, fleiri gagnlegar upplýsingar