Staðsetning á korti
Hafa samband
Sendu okkur línu
Netfang: ftr@ftr.is
Sími: 580-5200
Fax: 580-5220
Aðalfundur FTR 2015
Þriðjudagur, 21. apríl 2015

Jólakveðja frá FTR

Óskum félögum sem og landsmönnum öllum gleðilegra jóla og góðs og farsæls komandi árs og þökkum allt böggið og allan sjittinn á árinu. :-)

 
Ný stjórn FTR
Fimmtudagur, 08. nóvember 2012

Ný stjórn FTR


Að loknum aðalfundi var fyrsta verk stjórnar að skipta með sér verkum.

Sömu menn skipa stjórnina áfram þar sem hún var sjálfkjörin.

Jakob Tryggvason er formaður stjórnar. Hafliði Sívertsen er varaformaður. Gjaldkeri er Páll S. Guðmundsson. Ritari er Hafþór Ólafsson. Meðstjórnandi er Sigurjón Ólason. Varamenn eru: Ragnar G. Gunnarsson og Gunnlaugur Snædal.

 
Stafir og skýrslan
Mánudagur, 13. febrúar 2012

Skýrslan um starfsemi lífeyrissjóðanna sökkar feitt. Ekki vegna þess sem í henni stendur heldur það sem á vantar. Hún tekur ekki á boðsferðum. Þar er ekkert sagt um það sem vel er gert og af lestri hennar virðist einna helst mega ráða að það séu tómir idjótar sem stýrt hafi sjóðunum í aðdraganda hrunsins. Já, jafnvel siðlausir andskotar sem ástundað hafi brask með lífeyri félaga sinna og umbjóðenda. Það er beinlínis látið að því liggja, án þess þó að segja það beint, að um glæpsamlegt athæfi hafi verið að ræða. En lýðskrumarar og fjölmiðlar vita að það selur áhorf og lestur og það er svo notalegt að orna sér við elda frægðarinnar. Svo virðist eins og sumir sem hæst láta og tjá sig hafi bara alls ekki lesið skýrsluna. Þessi þjóð, þessi þjóð. Og hér hristi ég hausinn í forundran og uppgjöf.

 

En er það svo?

Eftir að hafa kynnt mér málin held ég að ég að ég verði að vera þessari skilgreiningu ósammála. Ég þekki reyndar ekki til í öðrum lífeyrissjóðum en þeim sjóði sem ég greiði í, Stafi, og bara verð að segja að gagnrýni á Stafi er að mörgu leyti afar ósanngjörn. Þar starfar, eftir því sem ég best veit, grandvart og ærlegt lið með siðferðið í góðu lagi. Vissulega er hægt að gera athugasemdir við einstakar fjárfestingar sjóðsins, eftir á að hyggja. En er það ekki alltaf svo í lífinu að þegar maður horfir til baka finnur maður hluti sem maður hefði betur gert öðruvísi. Hvað það er alltaf ljúft að vera vitur eftir á!

 

Mér sýnist miðað við það sem ég hef grennslast fyrir um og fyrirliggjandi gögn sýna að sjóðnum hafi verið nokkur vandi á höndum í fjárfestingum fyrir hrun. Við skulum heldur ekki gleyma því að meira að segja núna, 2012, er vandinn enn sá sami eða eins og stendur í ársskýrslu sjóðsins: „Sífellt erfiðara er að finna fjárfestingarkosti er uppfylla þær kröfur er sjóðurinn gerir og gjaldeyrishöft valda því að ekki er hægt að fjárfesta erlendis.“ Eða dettur einhverjum í hug að á þeim tíma, miðað við þær upplýsingar sem fyrir lágu þá, að rétt hefði verið að sleppa öllum fjárfestingum í skráðum fyrirtækjum á markaði og bönkum? Munum að strax við hrun upphófst söngurinn um að lífeyrissjóðirnir kæmu með erlendar eignir sínar heim til að bjarga málunum.

 

Allt þetta batterí , þ.e. fjármálakerfið, var með lánshæfismatið AAA+ og jafnvel fleiri bókstafi frá hinum alþjóðlegu matsfyrirtækjum. Við skulum ekki gleyma því að Stafir eru sjálfsagt einhver lýðræðislegasti lífeyrissjóður landsins, a.m.k. hvað varðar aðkomu stéttarfélaga. Hvað atvinnurekendur varðar hef ég bara ekki hugmynd um hvernig þeir velja sína stjórnarmenn. En það er alveg klárt að stéttarfélögin, RSÍ og Matvís kusu sína stjórnarliða á aðalfundum eða, í tilfelli RSÍ, sambandsstjórnarfundum. Semsagt fulltrúalýðræði rétt eins og Alþingi.

 

Ég hef ekki trú á því að þeir félagar okkar sem kosnir voru í stjórn sjóðanna hafi beinlínis sóst eftir embættum og vegtyllum til að geta makað krókinn í eigin þágu enda eru þetta skítalaun sem þeir fá fyrir alla þá vinnu sem þeir leggja á sig til að sinna störfum sínum í þágu sjóðfélaga. Reyndar veit ég til þess að ýmsir þeir sem sjóðfélagar hafa sóst eftir að fá til setu í stjórn Stafa hafi færst undan slíkri upphefð.

 

Sem dæmi má nefna að stjórnarliðar þurfa að fá vottun hjá FME til að mega sitja í stjórn. Það er þriggja mánaða nám sem þeir þurfa að fara í gegnum og standast próf FME. Þá verða þeir að hafa óflekkað mannorð og það er t.d. ástæðan fyrir því að sá verkalýðsforkólfur sem gagnrýnir sjóðina af hvað mestri óbil- og ósanngirni hefur ekki fengið leyfi til setu í lífeyrissjóði þótt hann hafi löngum haft áhuga á því í stjórn síns sjóðs. Gjaldþrot eru dýr.

 

Bara svo það sé á hreinu. Launin fyrir setu í stjórn Stafa eru náttúrlega himinhá, eða hitt þó heldur. Mér reiknast til, eftir samtöl við stjórnarliða að þau geri svona um það bil 1200 til 1300 kr. á tímann, –fyrir skatt, eða tæp 60.000 á mánuði.

 

Og hér komum við að þætti FME.

Það kom átakanlega í ljós við hrunið að FME var eiginlega bara upp á punt í eftirliti með fjármálastofnunum, nema, og ég endurtek, nema í eftirliti sínu með lífeyrissjóðunum. Þar voru þeir inni á gafli meira og minna gerandi athugasemdir vikulega. Það er kannski skiljanlegt að þeir hafi beitt sér gagnvart þeim sem þeir áttu í fullu tré við því ekki gat FME beitt sér gegn bönkunum enda gerðu þeir það ekki og því fór sem fór. En það hefur löngum verið háttur „búllía“ sem er fínt útlenskt orð yfir fólk með minnimáttarkennd, að sparka í þá sem þeir hafa í fullu tré við og geta illa varið sig.

 

Ef við tökum hliðstætt dæmi þá gæti það litið svona út. Löggan er á bakinu á ökumönnum, alltaf stoppandi þá til að tékka hvort þeir fari ekki að öllum reglum en sleppa því að skoða flutningabíla og rútur. Svo lendir fjöldi bílegenda í því að bílum þeirra er stolið, þeir settir í flutningabíla og fluttir með Norrænu úr landi og seldir á svarta markaðinum í löndum þar sem lýðræði er ekki alveg eins og hjá okkur. Ég held að fæstir færu að kenna bíleigendum um slíkt rán.

 

En samkvæmt umræðunni er það sem er kom fyrir lífeyrissjóðina, sjóðunum að kenna. Með sömu rökum væri hægt að kenna bíleigendum um að bílunum þeirra var stolið og segja, „Helvítis asnar, þið áttuð að hafa bílana ykkar í læstum bílskúr!“ En það væri hægt að spyrja lögguna og tollinn hvers vegna hún hafi ekki athugað flutningabílana. Og það væri alveg eðlileg spurning.

 

Þessi umræða skrifast að mestu leyti á fjölmiðla. Svo ég sé nú kvikindislegur þá má segja að eina sjálfskoðun fjölmiðla við hrunið hafi verið að leggja niður sérstaka fjármálafréttatíma og reka vana og gagnrýna fréttamenn með reynslu. Að minnsta kosti hef ég ekki orðið var við mikið meira. Jú, það var reyndar ráðinn nýr ritstjóri dagblaðs, sem einu sinni var ábyrgt, hvers hlutverk virðist vera að drulla yfir fólk og endurskrifa söguna.

 

Þeim sem stýrðu sjóðunum var vandi á höndum fyrir hrun. Ég hef ekki slíkt gullfiskaminni að ég muni ekki umræðuna á trúnaðarmannaráðstefnum og félagsfundum þar sem menn voru skammaðir fyrir að vera of varkárir í fjárfestingum. Þegar Ólafur Sigurðsson var með erindi um Stafi á trúnaðarmannaráðstefnu 2007 var rifið á hann nýtt rassgat langt upp á bak fyrir að kaupa ekki í Exista og Kaupþingi og var hann þó nýbúinn að lýsa því í sínu erindi að hann taldi að það ætti að færa eignir úr himinhárri ávöxtun þessara félaga í ríkisskuldabréf þar sem áhættan væri minni.

 

Ef minnið svíkur ekki var þetta haustið eftir að Ólafur Darri hafði sýnt glærur og fullyrt að það yrði engin snertilending 2008, heldur hrun. Að minnsta kosti man ég vel að eftir sambandsstjórnarfundinn í Borgarnesi 2007 kom ég heim og sagði við minn betri helming að við yrðum að búa okkur undir hrun á næsta ári. Það vissu allir sem höfðu opin augun 2007 að hér færi allt til fjandans 2008. Ja, nema kannski Geir Hilmar Haarde. Enda kom í ljós fyrrihluta árs 2008 þegar átti að selja bréf í þessum fyrirtækjum að enginn vildi kaupa.

 

Ég veit það vel að það hefði verið hægt  að minnka tap sjóðanna töluvert og reyndar tap alls almennings á sparifé sínu. En þá hefðu vanhæfir stjórnendur efnahagsmála þurft að upplýsa þjóðina í ársbyrjun 2008 hvert stefndi og grípa til ráðstafanna. Það gerðu þeir ekki og segja nú að þeir hafi bjargað þjóðinni. Guð blessi Ísland! Djísús!

 

Fyrir nokkrum árum las ég bók sem ástkona Alans Greenspans fyrrverandi seðlabankastjóra USA skrifaði. Ég man nú ekki allt úr þessari bók en það sem ég man var það sem þessi kona, sem er fjárfestir (lesist braskari), sagði og hafði eftir Greenspan. Efnislega sagði hún að það væri bara ein regla sem braskarar ættu aldrei að brjóta og hún er þessi. Ef bréfin hækka um 15% skaltu selja. Þá er eitthvað ekki í lagi. Ef bréfin lækka um 5% skaltu selja því þá er eitthvað ekki í lagi. Þetta hefur setið í mér og einn kunningi minn sagði mér að hann hefði þessa reglu í heiðri.

 

Hann var í hópi fjárfesta og þegar bréfin hans höfðu hækkað um 15% seldi hann sig út úr hópnum og setti féð á venjulega bundna bankabók. Félagarnir hæddu hann og kölluðu hann chicken og fleiri nöfnum sem ég er ekki nógu illa upp alinn til að hafa eftir. Þetta var árið 2006. Hann á sitt fé enn á þokkalegum vöxtum en félagarnir töpuðu öllu sínu. Þeir eru hættir að uppnefna hann. En hann hlær alla leiðina í bankann.

 

Það er sem sagt erfitt að kenna lífeyrissjóðunum um hrunið því fjárfestingarkostir voru fremur takmarkaðir og þar sem starfsemi lífeyrissjóðanna er bundin í lög, sem þeir verða að starfa eftir, og FME hafði eftirlit með því að þeir færu eftir þeim lögum. Lífeyrissjóðirnir voru eins og allt fokkings þjóðfélagið, eins og það leggur sig, rændir skipulega þegar búið var að ræna öllu öðru og ég get nefnt konkret dæmi um það.

 

UBS er stór svissneskur banki og saga þeirra nær, eins og Wikipedia segir; „UBS traces its heritage to 1854 and it is the largest bank in Switzerland.“ Um þetta er fjallað í rannsóknarskýrslu Alþingis 2. bindi, kafla 7.3.6.1, bls. 23, þar er gerð grein fyrir útgáfu á „lánshæfistengdum skuldabréfum“ þar sem Landsbanki Íslands hafði milligöngu og kom á viðskiptum milli viðskiptavina sinna og UBS AG, Jersey Branch.

 

Greiningardeild UBS, með alla sína sögu hlýtur að búa yfir mikilli reynslu og þekkingu og mér virðist að þeir hafi næstum örugglega vitað, fyrst hagfræðingur ASÍ vissi það, að hér færi allt til fjandans. Svo þeir hafa líklega ákveðið að fara í ránsferð til Íslands í samvinnu við Landsbankann sem illar tungur og rætnar segja að hafi verið peningaþvottastöð fyrir rússnesku mafíuna. Nema hvað í skilmálunum stendur: Gjaldfelling varð ef þessir tveir bankar:

1. Yrðu gjaldþrota.

2. Greiddu ekki skuldir sínar, þegar greiðslan væri yfir 1 milljón USD eða jafngildi þess.

3. Gengju í gegnum fjárhagslega endurskipulagningu.


Auðvitað vissu þeir hjá UBS og sjálfsagt Landsbankanum líka að hér yrði hrun og þeir þyrftu aldrei að borga til baka. Ég meina, meira að segja ég vissi það, hvað þá heldur þeir sem hafa brask að atvinnu. Þetta kalla ég skipulagt rán og illa hægt að klína því á Stafi. Og eins og segir í skýrslunni, 4. bindi bls. 123: „Veðkall var á tímabilinu vegna lækkandi gengis ISK og hækkandi skuldatryggingarálags á bankana tvo.“ Það hefur komið fram ítrekað, m.a. í skýrslu RNA, að það voru íslensku bankarnir sem voru í grófustu stöðutökunum gegn íslensku krónunni. En þeir hafa sjálfsagt fengið fína kommissjón á öllu bixinu. Djísús hvað þetta hefur verið siðlaust og sjálfselskt skítapakk.

 

Í skýrslu RNA eru tengsl ráðandi stjórnmálamanna við bankana rakinn. Þar kemur fram að stjórnmálamenn afregluðu kerfið og í staðinn fengu stjórnmálaflokkar og einstaka stjórnmálamenn það ríkulega umbunað eins og lýst er í 2. bindi, bls. 200-201 þar sem fjallað er um lán til stjórnmálamanna. Í 8. bindi á bls. 164 - 170 er fjallað er um styrki og boðsferðir til stjórnmálamanna og til stjórnmálaflokka.

 

Þegar bankarnir hrundu kom í ljós að 10 þingmenn skulduðu gömlu bönkunum persónulega á bilinu 1 milljón evra til 40 milljóna. Meðalskuld þessara tíu þingmanna var 9.000.000 evra. Evran er núna á genginu 162 ísl. kr. Hve margir þingmenn skulduðu bönkunum t.d. meira en hálfa milljón evra kemur ekki fram í skýrslunni, né heldur er vitað hvort lán gömlu bankanna til stjórnmálamanna yrðu endurgreidd eða afskrifuð. Ég hef ekki orðið var við að fjölmiðlar eða spjallþáttastjórnendur hafi fjallað um þetta. Þeir hafa kannski svo mikið að gera að þeir hafa ekki mátt vera að því að lesa skýrslu RNA? Eða uppteknir við að skilgreina Júróvisjon?

 

Með þessu öllu átti FME að hafa eftirlit og ef einhverntíma var ástæða fyrir það að skipta sér af starfsemi lífeyrissjóðanna, og reyndar öllu fjármálakerfinu, þá var það á þessum tíma. En að sjálfsögðu brást það sökum meðvirkni, frændhygli, klíkuskapar og vanhæfni eins og reyndar er að koma í ljós vikulega af tíðindum af öðrum eftirlitsstofnunum ríkisins. Það er alveg spurning hvort það sé yfirleitt einhver ástæða til að vera að reyna að burðast með einhverjar eftirlitsstofnanir hér. Hér eru nefnilega allir, í öllum stofnunum lýðveldisins, pólitískt skipaðir varðhundar flokkana og valdaelítunnar sem eru eingöngu í hagsmunagæslu. Það er kannski þessvegna sem lógó FME er eins og það er.

logoFME
 
Backstage Academy
Þriðjudagur, 17. janúar 2012

Á undanförnum árum hefur FTR reynt að beita sér í menntunarmálum félagsmanna af fremsta megni. Félagið hefur komið að raunfærnimati hljóðvinnslu sem tókst afar vel og nú er á döfinni að gera eitthvað fyrir aðrar greinar miðlunar. Það hefur verið reynt að halda utan um upplýsingar um nám erlendis en reyndar reynist flestum best að spyrja Hr. Google. Það er alveg merkilegur andskoti hvað hann er fróður um alla skapaða hluti.

Hér er námsskrá frá Backstage Academi fyrir skólaárið 2011-2012. Þarna er um að ræða nám í miðlun af ýmsum toga.

 
Steven Jobs er allur
Fimmtudagur, 06. október 2011

Þau tíðindi bárust í gær að stofnandi og stjórnandi Apple Computers, Steve Jobs, sé látinn. Það er held ég óumdeilt að Jobs hafi markað stór og varanleg spor í veraldarsöguna. Sem stjórnandi Apple hefur fyrirtækið vaxið og verið brautryðjandi í ýmsum tækninýjungum sem, þeir sem til þekkja, fullyrða að hafi bylt tölvunotkun í heiminum. 

Það verður áreiðanlega fróðlegt að fylgjast með Apple í framtíðinni að Jobs gengnum. Við sáum hvað gerðist þegar forstjórarnir, sem Jobs réði, tóku yfir fyrirtækið, boluðu honum út og réðu hotshot forstjóra frá Pepsi sem öllu átti að bjarga með patentlausnum. Þá kom í ljós að ekki gekk það vel að reka tölvufyrirtæki án þess að hafa skýra framtíðarsýn. Jobs sem hafði þá stofnað NeXT vann að framtíðarþróun hugbúnaðar sem varð svo grundvöllurinn að stýrikerfi 10 í Makkanum þegar stjórn Apple kom væandi til Jobs og vildu fá hann aftur. Stuttu eftir það kom iPodinn, svo iPhone og nú nýlega iPad. 

Jobs var magnaður karakter og sölumaður fram í fingurgóma og sannfæringakraftur hans á kynningum Apple gífurlegur. Það var dauður maður sem ekki hreifst með þegar Jobs komst á flug. Og þótt hann hafi gert mistök hefur hann breytt miðlun í heiminum í dag og við erum aðeins að sjá upphafið. Með iTunes varð tónlist allt í einu auðfáanleg, hvar sem maður er staddur í heiminum. Það eina sem þarf er tölva og nettenging. Það sama virðist vera að gerast með iPad-inn. Á einni nóttu, ef svo má segja, er útgáfa og miðlun bóka, skjala og kvikmynda orðin ódýr og aðgengileg fyrir fjöldann. Og jafnvel litla Ísland er með nokkrum músasmellum komið á 800 milljóna manna markað.

En það sem skilur Jobs frá öðrum tölvugúrúum er þessi brennandi framtíðarsýn sem t.d. Bill Gates virðist vanta. Jobs á það refjalaust og einn að leturvinnsla í tölvum í dag er eins og hún er en ekki öðruvísi, t.d. single-space fontar eins og Andale Mono og fleiri. Flestar tölvur nú ráða við og hafa fjölda fonta og t.d. sú vél (PowerBook Pro) sem þetta er skrifað á er með yfir 9000 fonta og afbrigði og skilar þeim öllum með sóma. 

http://news.stanford.edu/news/2005/june15/jobs-061505.html

 
Almenni samningurinn.
Miðvikudagur, 25. maí 2011

Almenni samningurinn.

 

Þetta er tekið ófrjálsi hendi af vef RSÍ. Vona að okkur fyrirgefist.

 

Kjörstjórn Rafiðnaðarsambands Íslands kom saman í dag, miðvikudaginn 25. maí 2011, þar sem talin voru atkvæði úr atkvæðagreiðslu um kjarasamning við Samtök Atvinnulífsins og Samtök rafverktaka. Á kjörskrá voru 2.267, atkvæði greiddu 598 eða 26,38%.
Atkvæði féllu þannig:
Já sögðu 460 eða 76,92%
Nei sögðu 127 eða 21,24%
Auðir og ógildir voru 11 eða 1,84%
Samningurinn telst því samþykktur.
Þetta þýðir að þeir sem eru á almenna samningnum fá þær launahækkanir sem hann kveður á um þ.e.a.s. lægstu taxtarnir hækka um 12.000 kr. og almenn hækkun er 4,25%. Þessar hækkanir gilda frá 1. júní 2011. Þeir sem voru í fullu starfi í mars til maí fá eingreiðslu að upphæð 50.000 kr greidda núna 1. júní 2011, starfsmenn sem létu af störfum í apríl eða eru í hlutastarfi fá hlutfallslega greiðslu miðað við starfstíma í mars og apríl. Starfsmenn sem hófu störf í apríl og verða í starfi til 5. maí fá hlutfallslega greiðslu miðað við starfstíma í apríl og maí.

 

 
Skapandi greinar hafa ótvírætt hagrænt gildi
Mánudagur, 02. maí 2011

Skapandi greinar hafa ótvírætt hagrænt gildi

Skýrsla um  kortlagningu hagrænna áhrifa skapandi greina verður kynnt á málstofu í Háskóla Íslands þriðjudaginn 3. maí kl. 12:00.  Höfundar skýrslunnar eru Margrét Sigrún Sigurðardóttir lektor við Viðskiptafræðideild Háskóla Íslands og Tómas Young rannsakandi.

Skýrslan er skrifuð í kjölfar kynningar á tölulegum niðurstöðum rannsóknar á hagrænum áhrifum skapandi greina, sem fram fór 1. desember sl. í Bíó Paradís. Með skýrslunni er lokið vinnunni við þessa tilteknu rannsókn, sem Samráðsvettvangur skapandi greina ásamt Mennta- og menningarmálaráðuneyti, Iðnaðarráðuneyti, Efnahags- og viðskiptaráðuneyti, Fjármálaráðuneyti, Utanríkisráðuneyti og Íslandsstofa stóðu fyrir og fjármögnuðu.

 Helstu niðurstöður rannsóknarinnar eru þær að skapandi greinar veltu 189 milljörðum árið 2009. Útflutningstekjur skapandi greina voru um 24 miljarðar árið 2009 eða um 3% af heildarútflutningstekjum þjóðarinnar. Velta skapandi greina hefur haldist nokkuð stöðug þrátt fyrir efnahagslega lægð í öðrum atvinnugreinum og ársverkum hefur fjölgað. Rannsóknin leiðir í ljós ótvíræðan hagrænan ávinning  skapandi greina og undirstrikar þá auðlind sem fólgin er í menningar- og listtengdri starfsemi.  Með því að kortleggja  hagrænan ávinning er ekki verið að kasta rýrð á hið óáþreifanlega gildi menningar og lista, sem aldrei verður metið til fjár, heldur er verið að leiða fram í dagsljósið áður ókannaða stoð undir atvinnulíf þjóðarinnar.

 Kortlagning á umfangi skapandi greina í atvinnulífi og efnahag þjóðarinnar hefur það að markmiði að einfalt verði á hverjum tíma að finna vægi þessara greina og bera saman við vægi annarra atvinnugreina í samfélaginu, m.ö.o. að skapandi greinar verði sjálfsagður hluti af þjóðhagsreikningi okkar. Þá má gera ráð fyrir að kortlagningin nýtist stjórnvöldum, öðrum opinberum aðilum og atvinnugreininni sjálfri við hvers konar stefnumótun í atvinnumálum.

 Rannsóknin var unnin af breska sérfræðingnum Colin Mercer í samstarfi við Margréti Sigrúnu Sigurðardóttur og Tómas Young sem skrifuðu skýrsluna.

 Anna Hildur Hildibrandsdóttir, framkvæmdastjóri ÚTÓN, hefur haft umsjón með verkefninu og verið talsmaður þess fyrir hönd Samráðsvettvangs skapandi greina.

 Mennta- og menningarmálaráðherra, Katrín Jakobsdóttir,  setur málstofuna sem  hefst kl. 12:00 og fer fram í Odda við Sturlugötu, stofu 101. Fundarstjóri er Ingjaldur Hannibalsson deildarforseti Viðskiptafræðideildar Háskóla Íslands.

 
Ný stjórn
Miðvikudagur, 20. apríl 2011

Stjórn og trúnaðarstöður FTR 2011

Stjórn FTR:

Jakob Tryggvason  formaður Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Hafliði Sívertsen  varaformaður Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Páll S. Guðmundsson gjaldkeri Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Hafþór Ólafsson ritari Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Sigurjón Ólason  meðstjórnandi Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

 

Varamenn í stjórn:

Kolbrún Kristjánsdóttir  Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Ragnar G Gunnarsson Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

 

Trúnaðarráð:

Anna Melsteð Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Gunnlaugur Snædal Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Þorleikur Karlsson Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Kári Gíslason Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

 

Varamenn í trúnaðarráði:

Sigurður Erlendsson Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Jóhann Bjarni Pálmason Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Markús Hjartarson

Sigurður Haraldsson Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

 

Skoðunarmenn:

Þorleikur Karlsson

Gunnlaugur Snædal

 

Vara skoðunarmaður:

Anna Melsteð

 

Fulltrúar á aðalfundi Stafa:

Þorsteinn Úlfar Björnsson

Jakob Tryggvason

Páll S Guðmundsson

Sigurjón Ólason

Hafþór Ólafsson

 

Starfsmaður á skrifstofu FTR

Þorsteinn Úlfar Björnsson Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. / Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

 
Trúnaðarstörf fyrir FTR
Þriðjudagur, 01. mars 2011

Trúnaðarstörf fyrir FTR

Það eru ýmsir sem tuða og tuða yfir slæmu ástandi í þjóðfélaginu. Þetta er sérstaklega áberandi á bloggi og í athugasemdakerfum hinna ýmsu miðla. Það má þó heita ljóst að þeir sem mest tuða eru hvað síst að gefa kost á sér til trúnaðarstarfa til að geta haft áhrif og breytt einhverju. 

En kjörstjórn RSÍ kom til fundar í dag vegna framboðsfrests til stjórnar í FTR og eftirtaldir einstaklingar gáfu kost á sér:

Til formanns:

Jakob Tryggvason

Til stjórnar:

Hafliði Sivertsen

Páll S. Guðmundsson

Sigurjón Ólason

Hafþór Ólafsson

Kolbrún Kristjánsdóttir

Þetta, kæru félagar, er fólkið sem vinnur fyrir ykkur. Þetta er fólkið sem fórnar sér alveg miskunnarlaust félögunum til hagsbóta og félaginu til dýrðar. Svo ekki sé skafið utan af því.

 
Stóra myndin
Þriðjudagur, 22. febrúar 2011

Stóra myndin

Kynningar- og umræðufundur Leiklistarsambands Íslands og aðildarfélaga um Íslandstofu og rannsóknina um stöðu Skapandi greina sem kynnt var 1. desember síðastliðinnl. Tækifæri fyrir sviðslistafólk að fá að vita meira um rannsóknina og næstu skref í kjölfar hennar og kynna sér stefnumótun hins nýja vettvangs Íslandsstofu, í þágu listanna. Fundurinn sem er öllum opinn verður haldinn í Tjarnarbíó mánudagskvöldið 28. febrúar kl 20 – 22

 

Dagskrá:

Íslandstofa – hlutverk hennar gagnvart listunum, Kolbrún Halldórsdóttir, forseti BÍL og stjórnarmaður í Íslandsstofu

Hvaða erindi á Íslandsstofa við sviðslistir og sviðslistir við Íslandstofu? 

 

Hlutur sviðslistanna í stóru rannsókninni, Margrét Sigrún Sigurðardóttir, forstöðukona Rannsóknastofu í skapandi greinum við HÍ

Kynning fyrir sviðslistafólk á stóru rannsókninni í desember – farið verður sérstaklega í tölur og álitamál um sviðslistir, tækifæri og áskoranir.

Umræður og fyrirspurnir, veitingar í boði LSI

Fundarstjóri er Ása Richardsdóttir, forseti LSÍ

FUNDURINN ER ÖLLUM OPINN! – FJÖLMENNUM! 

 
<< Fyrsta < Fyrri 1 2 Næsta > Síðasta >>

Síða 1 af 2