Hafa samband
Sendu okkur línu
Netfang: ftr@ftr.is
Sími: 580-5200
Fax: 580-5220
Hvað gerir FTR fyrir mig?
spurning_icon
Með því að gerast félagi í FTR ert þú orðinn meðlimur í Rafiðnaðarsambandi Íslands.
Kynntu þér réttindi þín hér
Menntun

Menntamálin

Við kjarasamningagerð árið 1997 átti félagið fyrst sína fulltrúa í samninganefndum hvað varðar FTR fólk hjá Ríkinu. Þá var sú bókun sett inn í kjarasamninginn að aðilar skipuðu nefnd til að leggja einhverskonar mat á þá ólíku og margskonar menntun sem félagsmenn hafa aflað sér til að staðsetja í íslensku menntakerfi.

Rafiðnaðarskólinn og FTR hafa unnið að þessum málum og kynnt hjá RÚV og ÍÚ hugmyndir sínar um menntastofnun sem hlotið hefur vinnuheitið "Fjölmiðlatækniskólinn". Hugmyndin er sú að koma á fót námi í fjölmiðlatækni sem byggt yrði upp bæði sem grunnnám og endurmenntun. Þar opnast sá möguleiki að FTR fólk bæti við sig námskeiðum og öðlist þannig betri stöðu gagnvart hinum ýmsu kjarasamningum, sem svo oft miðast við gráður og próf. Það hefur sýnt sig að við höfum á síðustu árum verið starfskrafturinn sem æ fleiri fjölmiðlar leita til en næstum alltaf átt erfiðara uppdráttar í launatöflum en starfskraftur með "þekkta" íslenska menntun!

Innan FTR eru félagar með margskonar menntun t.d. hljóðvinnslunám, kvikmyndanám, tölvunám svo eitthvað sé nefnt.

Félagsmenn eru hvattir til að senda tengla um skóla í því fagi sem þeir starfa til FTR.  Netfangið er Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.
 

Endurmenntunarsjóður

Um alllangt skeið hefur stjórn félagsins unnið að því að móta tillögur að þessum sjóð til að efla veg eftirmenntunar fyrir félagsmenn sína. Á aðalfundi 2004 voru borin upp drög að reglugerð fyrir sjóðinn og hún samþykkt til áframhaldandi afgreiðslu.

Hugmyndin með þessum sjóði er að ýta undir áhugasama félaga eða fræðsluaðila að setja upp námskeið til eftirmenntunar fyrir félagsmenn í FTR á Íslandi. Það hefur ekki verið um auðugan garð að gresja undanfarin ár í eftirmenntunarmálum félagsmanna og því þótt stjórn að bragarbót þyrfti að gera í þessum málum. Þó ekki sé formlega búið að afgreiða reglugerðardrögin hafa félagsmenn sýnt málinu áhuga og þegar hafa borist erindi um styrkbeiðnir fyrir námskeið sem ljósamenn hyggjast halda af miklum myndarbrag í sumar. Nánar verður sagt frá framgangi þessara mála hér á vefnum.

Drög að reglugerð um styrktarsjóð eftirmenntunar FTR